..........നാടൻപാട്ട് .........

കണ്ടിട്ടും നാവൊന്നനക്കാൻ മടിക്കണോ മാളോരേ 

കൊണ്ടിട്ടും നമ്മള് പിന്നെയും കൊള്ളണോ മാളോരേ 

എന്നിട്ടും മിണ്ടാതിരുന്നാല് മിണ്ടാൻ കഴിയൂലാ

മിണ്ടാനോ നാട്ടിലൊരുത്തനും ജീവനുണ്ടാകൂലാ !

കാള ചാത്തപ്പൊ തൊലിയുരിഞ്ഞു 

തൊലിയെടുത്തോനെ അടിച്ചുകൊന്നു 

കണ്ടിട്ടും നമ്മള് മിണ്ടീല മിണ്ടീല നമ്മള് മിണ്ടീല 

കാലിയെ പോറ്റുവാൻ കൊണ്ടുവന്നു 

കൊണ്ടുവന്നോനെ അടിച്ചുകൊന്നു 

കണ്ടിട്ടും നമ്മള് മിണ്ടീല മിണ്ടീല നമ്മള് മിണ്ടീല

പശുവിൻറ്റെ പേരില് തല്ലിക്കൊന്നു 

കൊന്നത് കണ്ടിട്ടും  മിണ്ടീല മിണ്ടീല നമ്മള് മിണ്ടീല 

വെളിച്ചത്തിന്റെ വെളിച്ചം

ഇരുണ്ട കാലത്തറേബ്യയിൽ പ

ണ്ടലഞ്ഞ ഗോത്ര വിഭാഗങ്ങൾ 

ഇരുട്ട് മൂടിയ തമോ പഥങ്ങളിൽ 

ഉരുട്ടി ജീവിത ചക്രങ്ങൾ !

അറിവും ബോധവുമില്ലാത്തോരവർ 

അക്ഷരമെന്തെന്നറിയാത്തോർ  

അതിക്രമങ്ങളിലാണ്ടു കഴിഞ്ഞവർ

അന്യോന്യം  കലഹിക്കുന്നോർ 

ഇടയ കുലങ്ങൾ ക്കിടയിലൊതുങ്ങി

അവരുടെ ജീവത താളങ്ങൾ 

ഇടഞ്ഞ ഗോത്ര ശൈഥില്യങ്ങളിൽ 

ഉടഞ്ഞു മാനവ മൂല്യങ്ങൾ 

അന്നാണവിടെ പ്രവാചകനായി 

മുഹമ്മദ് നബി വന്നെത്തിയതും 

അവരുടെ ലോകത്തറിവിൻ അക്ഷര  

തിരി നാളങ്ങൾ കൊളുത്തിയതും 

മനുഷ്യരൊരു കുല മവരുടെ വേരുകൾ 

ആദം എന്ന പിതാമഹാനിൽ

അവര് സമന്മാർ ,സഹോദരങ്ങൾ 

സ്നേഹത്തിന്റെ പ്രതീകങ്ങൾ !

ഹിറാ മുഖത്തു മുഴങ്ങിയ ശബ്ദം 

പ്രതിഗർജ്ജിച്ചു ദ്വിഗന്തങ്ങൾ   

പല കൈവഴിയായ് അവ പ്രവഹിച്ചു 

മാറ്റി മറിച്ചു ചരിത്രങ്ങൾ

പിന്നീടവരെ കണ്ടു,മദീനയിൽ  

ഭരണചെങ്കോലേന്തുന്നു 

അപരിഷ്കൃതരവർ,ഒട്ടകപാലകർ

രാഷ്ട്രാധിപരായ്‌ തീരുന്നു 

അവർ ലോകത്തിന് സംസ്കാരത്തിൻ 

മാർഗ്ഗ വെളിച്ചം നല്കുന്നു

അവരുടെ കീഴിൽ സ്പൈനും,റോമും

പേർഷ്യയുമൊന്നായ് വളരുന്നു!

           ഉസ്മാൻ പാണ്ടിക്കാട് 

            0564283654 

മാറാതെ

ഞാൻ മനുഷ്യനജയ്യൻ ഉലകിൽ 

ദ്വിഗ്ഗിജയത്തിനിറങ്ങി 

ഗുഹാമുഖങ്ങളിൽ നിന്ന് പെറുക്കിയ 

ശിലകളിൽ നിന്ന് തുടങ്ങി

 

കറുത്ത മണ്ണിൽ തീപ്പൊരിയൂതി 

ഉരുക്ക് കണ്ടതിൽ പിന്നെ 

കരുത്തു നേടി ലോഹക്കൂട്ടുകൾ 

പരത്തി ,ഉലകിനു മീതെ 

യന്ത്രപ്പല്ലുകൾ വ്യവസായത്തിൻ 

പുതിയ യുഗങ്ങൾ തുറന്നു 

അടിമകൾ ഉടമകൾ എന്നീ വർഗ്ഗ 

വിഭാഗവു മഞ്ഞിനെ വന്നു 

അന്ന് തുടങ്ങി ചരിത്രത്തിൽ ചില 

മാറ്റത്തിന്റെ മിടിപ്പ്

എന്നാൽ എന്റെ മനസ്സിലാശാന്തത 

മുളപൊട്ടുന്നതു മന്ന് 

കരയും ,കടലും ,കാർമേഘങ്ങളു

മാവയിലെ ആവാസങ്ങൾ

കരണ്ടു കാലിന്നടിയിലെ മണ്ണും 

മണലും,മലയും,മേടും 

ഉടഞ്ഞ മണ്ണിനു മീതെ പുഴയുടെ 

കണ്ണീരിറ്റു കിനിഞ്ഞു 

ഇടഞ്ഞു നിന്നൊരു ഋതു, പഞ്ചാംഗ

പതിവുകൾ ഉഴുതുമറിച്ചു 

ഇടവപ്പാതികൾ അഗ്നി ചുരത്തി 

തിരുവാതിരകൾ വരണ്ടു 

കർക്കിടകങ്ങളിൽ മേട മിറങ്ങി 

കാർത്തിക ഭരണിയിലായി

കാടുകൾ ഓർമ്മകളായി,കാട്ടാൻ 

ക്യാൻവാസുകളിൽ കേറി 

കരുവാളിച്ച മനസ്സുകൾ തമ്മിൽ 

കരളുകൾ വെട്ടിമുറിച്ചു 

ആഗോളതയുടെ മേളപ്പൊലിമയിൽ 

തീഗോളങ്ങളുരുണ്ടു 

പൊലിഞ്ഞു മാനവ സംസ്കൃതി ഉലകിൽ 

എരിഞ്ഞൊടുങ്ങി ലോകം

ഗുഹയിൽ നിന്ന് വളർന്ന് മനുഷ്യൻ 

ചൊവ്വയിലേക്ക് പറന്നു

ഗഹനങ്ങളിലൂടങ്ങിനെ ശാസ്ത്രം 

കുതിച്ചു കുതറി ഉയർന്നു 

കല്ലുകൾ മാറി ആയുധമെങ്ങിനെ 

ന്യൂക്ലിയർ ബോംബുകളായി 

എന്നാൽ,കൊല്ലുക എന്ന മനസ്ഥിതി 

മാറിയിലെന്റെ മനസ്സിൽ 

...........ഉസ്മാൻപാണ്ടിക്കാട് 

.............0564283654  

മാപ്പിളപ്പാട്ട്

മാപ്പിളപ്പാട്ടിന്റെ താളം കേട്ട് കേട്ട് ഞാൻ വളർന്നു 

മാപ്പിളത്തംകൊണ്ടഭിമാനിച്ചു ഞാനെന്നും ...മർഹൂം  

മാനുമുസ് ലിയാർക്കുമതിലിടമുണ്ടതോർക്കുന്നു  

ഖറ് യ  കണ്ണത്തീന്നുദിത്ത് 

ഖമറ്  പോൽ ഒളി പരത്ത് 

കതിരുകൾ പലതായി പൂത്ത് 

അതിരിനപ്പുറം കേരളത്തിലതാകെ വ്യാപിത്ത് ...അവയുടെ 

വേരുകൾ കരുവാരകുണ്ട് നജാത്തിൻ മുറ്റത്ത്   (മാപ്പിള )

കമ്പി ,വാൽക്കമ്പി ,കഴുത്ത്

അമ്പ് പോൽ പദക്കരുത്ത്   

ഇമ്പ മുള്ളീശൽ പെരുത്ത് 

മുമ്പനേകം കവികൾ മലബാറിൻറ്റെ  സമ്പത്ത്..  ഇന്നോ 

ചെന്ന് നിൽക്കുന്നുണ്ട് ഓഎം മിൻറ്റെ ചാരത്ത്  (മാപ്പിള )

മുമ്പിലേ വരി ചുവട് വെത്ത് 

കമ്പിമെക്കമ്പി, കൊരുത്ത് 

ബിംമ്പ മൊത്ത  പദക്കസർത്ത്  

പിമ്പിലോ പ്രാസാക്ഷരങ്ങൾ ചേരുവാ ചേർത്ത്...എന്തൊരു

അമ്പരപ്പിക്കുന്ന  രചനകൾ ,തന്നു റാഹത്ത്  (മാപ്പിള )

ശങ്കര ഭാഷായെഴുത്ത്  

ചൊങ്ക് ചേലിലടുക്കി വെത്ത് 

റങ്കെഴുന്ന വിരുത്തമൊത്ത്

തങ്ക ലിപികളിലുണ്ടതിന്റെ ചരിത്ര സമ്പത്ത്  ...ജീവിത 

ഗന്ധിയാണത് മാപ്പിളത്തറവാടിന് നിഗ്മത്ത്   (മാപ്പിള )

                              ഉസ്മാന് പാണ്ടിക്കാട് 

                               00966564283654 

                           veem143@gmail.com