വെളുത്ത പുലരി ഉദിക്കട്ടെ !
വെള്ള പ്രാവുകള് പാറട്ടെ
കരുത്ത് താണ്ഡവമാടും യുദ്ധം
എവിടെയുമില്ലാതാകട്ടെ !
കറുത്ത ശതക സ്മരണ ഹിരോഷിമ
തകര്ത്തെറിഞ്ഞ കബന്ധങ്ങള്
തൊടുത്തു വിട്ടൊരു നരമേധത്തിന്
തുടര്ച്ച തൂത്തെറിയുക നമ്മള് ...തുടര്ച്ച....
കോറസ്സ് : ഇനിയൊരു യുദ്ധം വേണ്ടേ വേണ്ട
ഇനിയൊരു യുദ്ധം വെണ്ടിനി മേല് (വെളുത്ത )
യന്ത്രച്ചിറകില് വിതറി നാപ്പാന്
ബോംബുകള് തീ പുക തുപ്പുമ്പോള്
ഇന്ദ്രപദങ്ങളില് അങ്കിള്സാമിന്
ഹുങ്ക് വിതച്ചു കലാപ്പങ്ങള് !
ട്രില്ലര് ,ക്ലസ്റ്റര് ,ബങ്കര് ബസ്റ്റര്
ഇങ്ങിനെ നിരവധി ബോംബുകളാല്
ത്രില്ലുകള് കൊണ്ടുനടക്കും യാങ്കി
പട ഇനി വേണ്ടേ ഈ ഉലകില്...പട ഇനി ...
കോറസ്സ് : ഇനിയൊരു യുദ്ധം വേണ്ടേ വേണ്ട
ഇനിയൊരു യുദ്ധം വെണ്ടിനി മേല് (വെളുത്ത )
ഒരൊറ്റ സൂര്യവെളിച്ചം,വെള്ളം,
വായുവു മൊന്നാണേവര്ക്കും
ഒരേ നിറത്തില് നമ്മുടെ രക്തം
ഒരു കര,ഒരു കടല് ,ഒരു ലോകം !
നിരർത്ഥ മിങ്ങിനെ കടിച്ചുകീറും
അവസ്ഥ എന്നത് അവിവേകം !
സുശക്ത മാകണ മൊരൊറ്റ മാനവ
മനുഷ്യ കുലമായ് ഈ ലോകം !
കോറസ്സ് : ഇനിയൊരു യുദ്ധം വേണ്ടേ വേണ്ട
ഇനിയൊരു യുദ്ധം വെണ്ടിനി മേല് (വെളുത്ത )
ഉസ്മാന് പാണ്ടിക്കാട്
0564283654