1921

സൃമൃതിപദങ്ങളെ.....2

ഉയിരെടുത്ത്  ഉശിരെടുത്തുണർന്നെ ണീക്കുവിൻ...2

കലഹമെന്ന്  കോറിയിട്ട ഭൂതകാലങ്ങളെ..!

കനലു തീർത്ത സ്പന്ദനങ്ങൾ   കേട്ട തീരങ്ങളെ!

ഉണരുവിൻ ... ഉയരുവിൻ...

ഉശിരെടുത്തുണർന്നെണീക്കുവിൻ !

നാടിനുണ്ട് നാം  പറഞ്ഞിടാതെ പോയൊരാമുഖം

ധീര രക്തസാക്ഷികൾ പിടഞ്ഞുവീണ പോർ മുഖം 

വാരിയൻ കുന്നത്തഹമ്മദാജി , ആലിമുസ്‌ലിയാർ

വീറ് കാട്ടി ബ്രിട്ടനോടെതിർത്ത ധീര  ഗാഥകൾ 

നൂറ് നൂറ് പേർ അനാഥരായ സമര കാഹളം

നേരുകൊണ്ടറിഞ്ഞു നമ്മളാ ചരിത്ര പോർക്കളം

പൂട്ടിയിട്ട ബോഗികൾ നിറച്ച് കൊന്ന് കൂട്ടിയോർ

തൂക്കുകയറിലാടിയാടി വീരമൃത്യു കൊണ്ടവർ

( കലഹ മെന്ന് കോറിയിട്ട ഭൂതകാലങ്ങളെ..!

കനലു തീർത്ത സ്പന്ദനങ്ങൾ കേട്ട തീരങ്ങളെ!

ഉണരുവിൻ ... ഉയരുവിൻ

ഉശിരെടുത്തുണർന്നെ ണീക്കുവിൻ)

കടലിലേക്കെടുത്തെറിഞ്ഞ് ജീവനറ്റു പോയവർ

ഉടലു വേർപെടുത്തി കൂട്ടിയിട്ട് തീയിലിട്ടവർ

ആന്റമാനിലേക്ക് നാട്ടിൽ നിന്നു മാട്ടി വിട്ടവർ

തന്റെതൊക്കെയും കവർന്ന് ജയിലി ലിട്ടടച്ചവർ

ഇമ്മലബാറിന്റെ മാറിൽ നിന്നുയർന്ന ഗർജ്ജനം  

ഇന്ത്യയൊട്ടു മാഞ്ഞടിച്ചതാണത്തിന്റ സ്പന്ദനം 

അന്ന് പൂർവികർ പടുത്തുയർത്തി ആർഷ ഭാരതം

ഇന്ന് നമ്മളേറ്റെടുക്കണം അതിന്റ മോചനം!

(കലഹ മെന്ന് കോറിയിട്ട ഭൂതകാലങ്ങളെ..!

കനലു തീർത്ത സ്പന്ദനങ്ങൾ കേട്ട തീരങ്ങളെ!

ഉണരുവിൻ ... ഉയരുവിൻ

ഉശിരെടുത്തുണർന്നെ ണീക്കുവിൻ)

ഒറ്റുകാർ ഭയക്കുമാ ചരിത്ര മിന്നു മെന്നുമേ

പേറ്റുനോവറിഞ്ഞ നമ്മൾ എന്നുമോർത്ത് വെക്കുമേ

ബ്രിട്ടനോട് കൂറ്‌ കാട്ടിയ സവർണ്ണ ലോപികൾ 

ഒട്ടി നിന്ന് പാദസേവ ചെയ്ത ദേശ വൈരികൾ

അവര് നട്ട വിഷ മരങ്ങൾ പിഴുതെറിഞ്ഞു മാറ്റുക

അവരെ വെട്ടിമാറ്റി പുതിയൊരിന്ത്യ നമ്മൾ പണിയുക

ഇവിടെ വിവിധ വർണ്ണമുള്ളൊരൊറ്റ ജനതയാവുക

എവിടെയും ശിരസ്സുയർത്തി ഒന്നു ചേർന്ന് നിൽക്കുക.

(കലഹ മെന്ന് കോറിയിട്ട ഭൂതകാലങ്ങളെ..!

കനലു തീർത്ത സ്പന്ദനങ്ങൾ കേട്ട തീരങ്ങളെ!

ഉണരുവിൻ ... ഉയരുവിൻ

ഉശിരെടുത്തുണർന്നെ ണീക്കുവിൻ)

****************ഉസ്മാൻപാണ്ടിക്കാട്

                            8281674065

 ഖുർആൻ

******-**-**

ഏക ഇലാഹവനല്ലാഹു!

അവനറിയിച്ചു നേർമാർഗ്ഗം  

അതിലുണ്ടവനുടെ സംസാരം

അവ എന്താണെന്നറിയേണ്ടേ?

അത് ഖുർആനാ  ണതിലുണ്ട്

അറിവിൻ ജീവിത പാഠങ്ങൾ

കഥയും കവിതയു മതുപോലെ

കൗതുകമേറും കാര്യങ്ങൾ!

യൂസുഫ്   നബിയുടെ കഥയുണ്ട്

കഥ കേൾക്കാൻ ബഹു രസമുണ്ട് 

രാവും പകലും മാറി വരും 

ശാസ്ത്ര രഹസ്യം അതിലുണ്ട്

ഞാനും നിങ്ങളുമാരെന്ന് 

നേരായ് വിവരിക്കുന്നുണ്ട്

ആദി പിതാവും മാതാവും 

ആരാ ണൊടുവിലെ നബിയെന്നും 

മുമ്പ് കഴിഞ്ഞ സമൂഹങ്ങൾ 

അവരെ ചരിത്രപ്പാടുകളും 

പക്ഷിമൃഗാതികൾ സസ്യങ്ങൾ

അവയുടെ വിവരണമതിലുണ്ട് 

ഈ ലോകത്തെ മനുഷ്യർക്ക് 

ജീവിത മാർഗ്ഗം അതിലാണ് 

ശരിയും തെറ്റും നേരെന്ത് 

അറിയാനൊരു വഴി അത് മാത്രം

,.............. ഉസ്മാൻ പാണ്ടിക്കാട്....

 ആണ്ടിലൊരിക്കൽ നാട്ടിലിറങ്ങും   

നമ്മുടെ തമ്പ്രാൻ മാവേലി 

ആരും കാണാ പാതാളത്തിൽ 

നിന്നാണെത്തുക പതിവായി 

ഇക്കുറി വന്നാൽ കോറണ്ടേനിൽ 

കഴിയണമെന്നാ ണറിയിപ്പ് 

അതുകൊണ്ടങ്ങേർ കർക്കിടകത്തിൽ 

മഴയും കൊണ്ടാണിങ്ങെത്തി 

മുന്നത്തെക്കുറി പ്രളയം കണ്ട് 

പകച്ചു മടങ്ങിയതോർക്കുന്നു 

എന്നാലന്നിവിടെല്ലാ മനസ്സും

ഒന്നായ് കണ്ടതിലാശ്വാസം!

മുൻ വർഷങ്ങളിൽ ആളെ കാണാൻ 

മാളുകൾ തേടി നടക്കേണം 

എന്നാലിപ്പോൾ ആളുകളെല്ലാം 

പുരകളിലുണ്ട് സമാധാനം 

ആരാരെല്ലാം എന്നറിയാതു

ള്ളാശങ്കയിലാണിന്നിപ്പോൾ

മുഖവും,മൂക്കും ,വായും മൂടിയ 

മാനവരെല്ലാം ഒരുപോലെ 

                 ദീന.വി. കോടശ്ശേരി  

ആശംസകളോടെ.

നഗരമുറങ്ങിയ നേരത്തന്ന്‌ 

ജിദ്ദയിൽ നിന്ന് മടങ്ങുമ്പോൾ 

പകരം വെക്കാൻ എന്നുടെ കവിതകൾ 

അവിടെ തന്നെ കുറിച്ചിട്ടു 

'പ്രവാസിജിദ്ദ' എന്നാണക്ഷര 

കനലുകള ച്ചെറു കവിതയിലെ 

ഉശിരും ഉയിരും ഉണർവ്വും നൽകി 

നിങ്ങൾ വളത്തണമക്കവിത!

കവിത വളർന്ന് വീശിയടിച്ച് 

കൊടുങ്കാറ്റാവണ മുലകെങ്ങും

അധികാരങ്ങളിൽ അഴിമതി തീർപ്പവർ  

കേട്ടു പകക്കണ മക്കവിത!

അലർച്ച കേട്ടിട്ടിളകിമറിഞ്ഞൊരു 

പടയണി ഉയരണ മവിടെല്ലാം

അവരാവണമൊരു 'ക്ഷേമ രാഷ്ട്രം' 

പണിയാനുയരും നവ ശക്തി!

അവര് തിരുത്തണ മിരുളിൻ ശക്തികൾ 

എഴുതി മറിച്ച ചരിത്രങ്ങൾ

അവര് വരുത്തണം മാനവികതയുടെ 

നീതിന്യായ വ്യവസ്ഥിതികൾ!  

അവര് തകർക്കണമസമത്വത്തിൻ

വർഗ്ഗീയതയുടെ ബിംബങ്ങൾ

അവര് തുരത്തണ മസ്‌പൃശ്യതയുടെ, 

വംശീയതയുടെ സ്തംഭങ്ങള്!

അവിടെ കാണാം ഭാരത ശിൽപികൾ 

സ്വപ്നം കണ്ടൊരു മമ ദേശം 

അവിടെ കാണാം മുവ്വർണ്ണക്കൊടി അവരുടെ

കൈകൾക്കാവേശം! 

അവിടെ ചൊല്ലുക ഇക്കവിതകൾ നാം !

അവിടെ ഉയർത്തുക ഇക്കൊടി നാം !

അന്നാണുണരുക പണ്ട് മടങ്ങിയ 

നഗരം ഇന്ത്യയിലുടനീളം!

 .........ഉസ്മാൻപാണ്ടിക്കാട് 

..........8281674065 

നാവൊന്നനക്കാൻ

കണ്ടിട്ടും നാവൊന്നനക്കാൻ മടിക്കണോ മാളോരേ 

കൊണ്ടിട്ടും നമ്മള് പിന്നെയും കൊള്ളണോ മാളോരേ 

എന്നിട്ടും മിണ്ടാതിരുന്നാല് മിണ്ടാൻ കഴിയൂലാ

മിണ്ടാനോ നാട്ടിലൊരുത്തനും ജീവനുണ്ടാകൂലാ !

കാള ചാത്തപ്പൊ തൊലിയുരിഞ്ഞു 

തൊലിയെടുത്തോനെ അടിച്ചുകൊന്നു 

കണ്ടിട്ടും നമ്മള് മിണ്ടീല മിണ്ടീല നമ്മള് മിണ്ടീല 

കാലിയെ പോറ്റുവാൻ കൊണ്ടുവന്നു 

കൊണ്ടുവന്നോനെ അടിച്ചുകൊന്നു 

കണ്ടിട്ടും നമ്മള് മിണ്ടീല മിണ്ടീല നമ്മള് മിണ്ടീല

പശുവിൻറ്റെ പേരില് തല്ലിക്കൊന്നു 

കൊന്നത് കണ്ടിട്ടും  മിണ്ടീല മിണ്ടീല നമ്മള് മിണ്ടീല 

കണ്ടിട്ടും നാവൊന്നനക്കാൻ മടിക്കണോ മാളോരേ 

കൊണ്ടിട്ടും നമ്മള് പിന്നെയും കൊള്ളണോ മാളോരേ 

എന്നിട്ടും മിണ്ടാതിരുന്നാല് മിണ്ടാൻ കഴിയൂലാ

മിണ്ടാനോ നാട്ടിലൊരുത്തനും ജീവനുണ്ടാകൂലാ !

നമ്മുടെ ബേങ്കിലെ കാശ് കിട്ടാൻ

നമ്മള് ക്യൂവില് പോയി നിന്നു 

ഓശാരം വാങ്ണ പോലെ നമ്മൾ 

തന്നതും വാങ്ങി തിരിച്ചു പൊന്നു 

എന്നിട്ടും  നമ്മള് മിണ്ടീല മിണ്ടീല നമ്മള് മിണ്ടീല 

നോട്ട് നിരോധിച്ച് നാട് തന്നെ

കൊള്ളയടിച്ച് തുലച്ചു സംഘി 

നോട്ടടി വീരന്മാരായിസ്വയം  

നാട്ടിലങ്ങോളം വിലസി സംഘി

എന്നിട്ടും  നമ്മള് മിണ്ടീല മിണ്ടീല നമ്മള് മിണ്ടീല

കണ്ടിട്ടും നാവൊന്നനക്കാൻ മടിക്കണോ മാളോരേ 

കൊണ്ടിട്ടും നമ്മള് പിന്നെയും കൊള്ളണോ മാളോരേ 

എന്നിട്ടും മിണ്ടാതിരുന്നാല് മിണ്ടാൻ കഴിയൂലാ

മിണ്ടാനോ നാട്ടിലൊരുത്തനും ജീവനുണ്ടാകൂലാ !

ഓട്ടംതുള്ളൽ

​ഓട്ടന്തുള്ളലിൽ പല കഥയുണ്ട് 

ഇങ്ങനെയൊരു കഥ കേട്ടവരുണ്ടോ ?

നാട് ഭരിപ്പവർ തന്നെ നാട്ടിൽ 

ഭീകരതാണ്ഡവ മാടും കഥകൾ 

ഭാരതമെന്നൊരു നാടുണ്ടുലകിൽ 

അതിലുണ്ടത്ഭുത സിദ്ധികൾ പലതും 

പശുവൊരു മൃഗമല്ലവിടെ ചെന്നാൽ 

ഓക്സിജ വിതരണ നിലയംതന്നെ

എന്നാൽ ശിശുവിന് ഓക്സിജനില്ലാ 

ശരണം ശരണം മരണം തന്നെ

   

പശു മൂത്രം ഒരു  ഭോജന ദ്രവ്യം  

പശു കാഷ്ഠിച്ചത് ഔഷധ സ്രവ്യം 

പശുവിന് കോട്ടും ഷൂട്ടും പാൻറ്റും 

മർത്യനു മാത്രം ഉടുമുണ്ടില്ല

നാൽക്കാലികളുടെ മൂടും തടവി  

ഇരുകാലികളിൽ പുതിയ ചികിത്സ

വന്നു ഭവിച്ച കൊറോണാ വൈറൽ 

പമ്പകടപ്പതു  മങ്ങിനെയത്രേ 

മായാസുര നാണയറൊനാട്ടിക് 

ആദ്യ വിമാനപ്പയ്‌ലറ്റത്രെ!  

റൈറ്റ് സഹോദരെ മാപ്പ് മാപ്പ്‌

പുഷ്പക ഫ്‌ളൈറ്റിന് കൊടിവീശുമ്പോൾ 

ഗാന്ധി മഹാത്മാ വവരുടെ നെഞ്ചിൽ 

കാഞ്ചി വലിച്ചോൻ രാഷ്ട്ര പിതാവ്

രാവും പകലും ഇന്ത്യക്കായി 

പൊരുതി നടന്നവർ രാജ്യദ്രോഹികൾ 

ഒരുവന് ബിരുദം ചായക്കടയിൽ   

ഹരഹര എന്തൊരു നാണക്കേടിത് 

മറ്റൊരു തടിയൻ വായപൊളിച്ചാൽ 

പൊളിവാക്കല്ലാതുരുവിടുകില്ലാ 

വിറളിപിടിച്ചു നടന്നിടു മിവരുടെ  

വാല് പിടിച്ചവർ പൊരിവെയിലത്ത് 

അവരുടെ മോങ്ങല് കേട്ട് മടുത്ത് 

യുവജനമൊക്കെ തെരുവിലിറങ്ങി

നാടിനെ വെട്ടിമുറിക്കും പൗര 

പത്രിക പണിയാൻ പറ്റില്ലിവിടെ 

നരഭോജികളുടെ കയ്യിലിരുപ്പ് 

കണ്ടറിയുന്നു ഭാരത ജനത    

സംഘികൾ മേയും നാടില്ലാത്തൊരു 

സഖ്യസമൂഹപ്പടയണി യെത്തി 

ഇപ്പട ആളിപ്പടരും പുതിയൊരു 

പുലരി പിറക്കും ഭാരത മണ്ണിൽ

അവിടെക്കാണാം സാഹോദര്യം 

നാനാത്വത്തിൽ ഏകത്വം !

അവിടെക്കാണാം പലപല പൂവുകൾ 

വിരിയും നാടിൻ ഐശ്വര്യം  

...............ഉസ്മാൻ പാണ്ടിക്കാട് 

................8281674065