(ഗാനം ...മിന്നി തിളങ്ങും മിന്നാമിനുങ്ങിന്റെ ...എന്ന രീതിയിലും ചൊല്ലാം)
മാപ്പിള മക്കളെ ഓര്‍മയിലിന്നും ജീവിക്കുന്ന മഹാ രഥ ..
കേസരി യൊന്നേയുള്ളത് സി എച്ച് ആണല്ലോ
ചെപ്പിലടച്ച്ചു കുരുക്കിയൊരിസ്സമുദായം കണ്ണ് തുറന്നത്
അത്തിരു തീപൊരി വാഗ്മയ ധ്വാരണി യാണല്ലോ
എത്ര പരീക്ഷണ ഘട്ടം നേരിട്ടെങ്കിലു മാ ചിരി മാഞ്ഞില്ലാ
ശത്രുത വെച്ചവരോടും മാന്യത വിട്ടൊരു വാക്ക് പറഞ്ഞില്ല
എന്നാലോ ചാട്ടുളി ഏറിയും പദ പ്രാസ തലങ്ങള്‍ ക്കതിരില്ല
(മാപ്പിള മക്കളെ )
വീശിയടിച്ച കൊടുങ്കാറ്റലയൊലി ആയത് കെരളമാകെയും
അത്തിരു വാഗ്ദ്വനി മീട്ടിയ വിപ്ലവ നാദങ്ങള്‍
ദേശിയ രാഷ്ട്രിയ വേദികളോളം വേര് പടര്‍ന്ന് പിടിക്കാന്‍
കൈവഴി കാട്ടിയ കൈത്തിരി യാണാ നാളങ്ങള്‍
(മാപ്പിള മക്കളെ )
ചത്തൊരു കുതിരയിതെന്ന ശകാരം പണ്ട് പറഞ്ഞത് നവറോജി
ഒത്തിരി ഒന്ന് മയങ്ങിയ സിംഹം ,വിട്ടു കൊടുത്തില്ലാത്മ ഗതി
ഉത്തരമെത്ര മനോഹരം ഇപ്പരുവത്തില്‍ ലീഗിന് തുണയേകി
(മാപ്പിള മക്കളെ )
ഭരണ രഥങ്ങളുരുട്ടിയ കൈകളിലെങ്ങും കറ പുരളാത്തൊരു
ചരിത മനോഹര മാതൃകയുള്ളോ രു നായകന്‍
മരണ ദിനങ്ങളിലോളം സേവന ഭാഗ്യം കൈമുതലാക്കിയ
സുരഭില ജീവിത താരക മാ സഹയാത്രികന്‍
(മാപ്പിള മക്കളെ )
രചനകളെത്ര മനോഹര ,മാ സ്വര മാധുരി രാക്കുയില്‍ രാഗങ്ങള്‍
വിരചിത വിപ്ലവ ചിന്തകളോ പരിവര്‍ത്തന മാര്‍ഗ്ഗ തരംഗങ്ങള്‍
ഒന്നല്ലാ ,പല കലയുടെ സങ്കര സാരഥിയാണാ ഭാവങ്ങള്‍
(മാപ്പിള മക്കളെ )
- ഉസ്മാന്‍ പാണ്ടിക്കാട് -
(മുമ്പ് സി എച്ചി നെ കുറിച്ച് ഞാന്‍ എഴുതിയ ഈ ഗാനം ചില
സുഹൃത്തുക്കളുടെ ആവശ്യപ്രകാരം ഫൈസ് ബുക്കിലിടുന്നു )
