വായനക്കിടയില് വീണു കിട്ടുന്നതും കാഴ്ച്ച്ചക്കിടയില് കണ്ടുമുട്ടുന്നതും കേള്വിക്കിടെ തങ്ങി നില്ക്കുന്നതും കുട്ടികള്ക്കും മുതിര്ന്നവര്ക്കുമായി കാവ്യാത്മകമായി സാക്ക്ഷയപ്പെടുത്തുന്നു!
പേജുകള്
2015, നവംബർ 26, വ്യാഴാഴ്ച
2015, നവംബർ 23, തിങ്കളാഴ്ച
മനവീയം
സ്നേഹം വിരിയട്ടെ
സ്നേഹ തിരികൾ തെളിയട്ടെ !
'മാനവിയത്തിൻ' സരണിയിൽ നമ്മുടെ
മനസുകൾ ഉണരട്ടെ !
സ്നേഹം വിരിയട്ടെ
സ്നേഹ തിരികൾ തെളിയട്ടെ !
ഒരു ദൈവത്തിൻ സൃഷ്ടികൾ നമ്മൾ
ഒരു മാതാവിൻ മക്കൾ
പരന്നു ഭൂമിയിൽ പല ഭാഗത്തായ്
പല മത ജാതികളായി
പല നിറ ഭേതം പല വർണ്ണങ്ങൾ
പല ഭാഷകൾ വേഷങ്ങൾ !
ഉലകിനൊരൊറ്റ വെളിച്ചം വെള്ളം
വായുവു മോന്നാ ണെന്നാൽ !
സ്നേഹം വിരിയട്ടെ
സ്നേഹ തിരികൾ തെളിയട്ടെ !
'മാനവിയത്തിൻ' സരണിയിൽ നമ്മുടെ
മനസുകൾ ഒന്നായ് തീരട്ടേ !
സ്നേഹം വിരിയട്ടെ
സ്നേഹ തിരികൾ തെളിയട്ടെ !
രക്തത്തിന്നൊരു നിറ, മൊരു ജീവൻ
ഒരു ജീവിത മീ മണ്ണിൽ
ശക്തനശക്തൻ അഭലൻ ,പ്രഭലൻ
അലിയുവതൊരു പിടി മണ്ണിൽ !
കലഹങ്ങളിലെ ന്തർത്ഥം ഇവിടെ
ഉലകൊരു തണൽ മരമല്ലേ ?
പല പല പൂവുകൾ വിരിയുന്നൊരു മലർ
തോപ്പാക്കുക നാം ഇവിടെ !
സ്നേഹം വിരിയട്ടെ
സ്നേഹ തിരികൾ തെളിയട്ടെ !
'മാനവിയത്തിൻ' സരണിയിൽ നമ്മുടെ
മനസുകൾ ഒന്നായ് തീരട്ടേ !
സ്നേഹം വിരിയട്ടെ
സ്നേഹ തിരികൾ തെളിയട്ടെ !
ഉസ്മാൻ പാണ്ടിക്കാട്
0564283654
{സ്വാഗത ഗാനമാക്കുമ്പോൾ താഴെ വരികൾ പല്ലവിയാക്കാം }
(സ്വാഗതമരുളുന്നു
അഭിവാദനമരുളുന്നു
മാനവിയത്തിൻ വേദിയിലെത്തിയ
വിശിഷ്ട വ്യക്തികളേ ...!
സ്വാഗതമരുളുന്നു
ആശംസകൾ നേരുന്നു .....)
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)