(വെണ്മഴു )

അറബികടലിൻ അക്കരെ അഴകിൻ 

ഓര്മ്മയിലൊരു മലനാടുണ്ട് 

ഹരിത മനോഹര സൌരഭ്യത്തിൻ 

കവിതകളിൽ അതിനിടമുണ്ട് 

മഴു വീണവിടം കേരള മായൊരു 

പഴയ ചരിത്രം പഴകിപ്പോയ് 

തമിഴകമിന്നു കനിഞ്ഞില്ലെങ്കിൽ 

മുഴു പട്ടിണി 'അതു' മാറിപ്പോയ്‌ !!

എറിയുക വീണ്ടും ഒരു മഴു പുതിയൊരു 

കേരള നാടു പിറക്കട്ടെ !

കരളില് തൊട്ടു മനുഷ്യ മനസ്സില് 

കുളിരും കൃഷിയും വിരിയട്ടെ !

മതിലുകൾ വെട്ടി മുറിക്കുക, തോളുകൾ 

ചേർന്നൊരു മതിലായ് മാറുക നാം 

അതിരുകള്  മായ്ക്കുക ,അതിര് വിട്ടൊന്നും 

ചെയ്യാത്തവരായ് തീരുക നാം !

പഴമക്കാരുടെ പുകിലുകൾ പാടി 

പുളകം കൊള്ളൂന്നത് കൊള്ളാം 

വഴികാട്ടികളവർ അവരെ മറന്ന് 

വഴി വിട്ടവരാവരുതെന്നാല് !

പുതിയൊരു കേരള മുണ്ടാവനൊരു 

മഴുവായ് മാറുക നാം എല്ലാം

പുഴകളിൽ മലകളിൽ മണ്ണും ,മണലും 

മാന്തും  മാഫിയകളെ വെല്ലാൻ  

കാടു മുടിക്കുന്നോർ ക്കെതിരിൽ നാം 

എറിയുക നമ്മുടെ പുതിയ മഴു 

കക്കുന്നവരുടെ കൈ വെട്ടാനും 

കഴുകന്മാരെ വിരട്ടാനും ,

ഒരു മഴു കയ്യില് കരുതുക പുതിയൊരു 

കേരള മുണ്ടായ്  കാണട്ടേ !

അവിടെ സ്നേഹപ്പൂവും ,പുഴയും

അരുവികളായിട്ടൊഴുകട്ടേ !

             ഉസ്മാന് പാണ്ടിക്കാട് 

              05664283654 

മണ്ണിൽ വരച്ചതു

"മണ്ണിൽ വരച്ചതു പോലെയല്ലെ ?

എണ്ണി നാം വെച്ച പണങ്ങളെല്ലാം 

കണ്ണിനു കൌതുകമുണ്ട്‌ ,പക്ഷെ 

മണ്ണാകുവാനുള്ളതല്ലോ നമ്മൾ 

എങ്കിലും വേണം പണം നമുക്ക് 

പങ്കിലമായൊരീ ജീവിതത്തിൽ 

ഹുങ്കു വേണ്ടെന്നാൽ അതിന്റെ പേരിൽ 

പങ്കുവെച്ചൊന്നിച്ചു കഴിയ നമ്മൾ "

എസ് എം ജമീലാബീ)

                      (ഓര്മ്മയിലെ എസ് എം ജമീലാബീ) 

 പെണ്ണെഴുത്തിന്റെ കരുത്തും കവിതയും പെരുത്ത് 
 എണ്ണമില്ലാ മാപ്പിള പ്പാട്ടും  ഇശലും തീര് ത്ത് 
 മണ്‍മറഞ്ഞ്‌ പോയി മഹതി "ബീവിജമീലത്ത് "
 കണ്‍ കുളിര്ക്കെ കണ്ടിലവരെ  ഈ കലാ തുരുത്ത് 
                                           (പെണ്ണെഴുത്തിന്റെ)

 തെരുവിലും, തീ തിന്നടുക്കള പ്പുക ക്കകത്തും 
 പരിഭവ പ്പെടലല്ല  പെണ്ണിന് സ്ഥാന മവരുണര് ത്തും 
 കരിവള കയ്യില് കരുത്തും ,നെഞ്ചില് മുഹബ്ബത്തും 
 കരകത മെങ്കിസ്സമൂഹം  മാറും അടിമുടി തീര്ത്തും!
                                             (പെണ്ണെഴുത്തിന്റെ)

 തിരു നബി തന്നോമന ഫാത്വിമ്മത്തിന് വിളിയാളം  
 തരുണികള്ക്കാ വേശ മാട്ടെ ആ വിളക്കിന് നാളം !
 ഇവരുറക്കെ പാടിയ പാട്ടിന്‌ ഇശലും താളം 
 പുലരുവാനാട്ടെ ഇവിടെ നമ്മള് തീര്ക്കും മേളം !
                                               (പെണ്ണെഴുത്തിന്റെ)
                                   ഉസ്മാന് പാണ്ടിക്കാട് 
                                   00966564283654