ഭൂമിയില്‍
എനിക്ക്
ഇടം നല്‍കിയത്
വിലക്കപ്പെട്ട ഒരു വൃക്ഷമാണത്രേ !
ഓരോ വിലക്കുകളും കീഴടക്കാനായി
പിന്നീട് എന്റെ ദാഹം .
പധാര്‍ത്തങ്ങള്‍ വെട്ടിപ്പിടിച്ചു,
കരയും ,കടലും ,ആകാശവും വരുതിയിലാക്കി .
മത്സ്യത്തെപ്പോലെ ഊളിയിട്ടു ,
മാനിനെപ്പോലെ കുതിച്ചോടി ,
പറവകളെപ്പോലെ പറന്നു ,
കഴുകനെപ്പോലെ ഉറ്റുനോക്കി .
വിലക്കുകളുടെ വേലി തകര്‍ ത്തെറിഞ്ഞ്
പലതും കീഴ്പ്പെടുത്തിയപ്പോഴും
ഒന്നുമാത്രം എനിക്ക് കഴിഞ്ഞില്ല -
"എന്നെ കീഴ്പ്പെടുത്താന്‍ !''
അതിനു മുമ്പുതന്നെ
സ്വാര്‍ത്ഥതക്ക്
ഞാന്‍ കീഴ്പ്പെട്ടിരുന്നു !
.jpg)
