ഇടം

ഇത് ഭൂമി 

പ്രഥമ ജയില്  

നരവംശത്തിന്റെ ആദ്യ കണ്ണികള് 

തടവിലാക്കപ്പെട്ട ഇടം !

ആദ്യ പാപത്തിന്റെ ശാപഗ്രസ്തമായ അറിവുകള് 

ഇന്നും ഇവിടെ വേട്ടയാടപ്പെടുന്നു . 

ഹവ്വയുടെ പാദമുദ്രകള് 

ചവിട്ടി മെതിച്ചുകൊണ്ടല്ലേ 

എവിടെയും ആദം കടന്നുകയറുന്നത് 

ആദി മാതാവിന്റെ അന്ത്യ ശയനത്തിനരികില് 

ഇതാ "കഅബ "

ഭൂമിയിലെ ആദ്യ അഭയ സങ്കേതം 

കണ്ണീരിന്റേയും പുഞ്ചിരിയുടെയും 

ചരിത്രക്കീറൂകള്ക്ക് 

ഏറേ സാക്ഷി നിന്ന പ്രദേശം 

സഹസ്രാബ്ധങ്ങളിലൂടെ മാനവതയുടെ 

മായാ മുദ്ര പതിച്ച അതിപുരാതന പുണ്ണ്യ ഗേഹം 

ആദ്യ ജീനുകളുടെ പകര്പ്പ് 

വരും കണ്ണിയിലെവിടെയോ കണ്ടെത്തുമത്രേ ..?

അത് ഇവിടെയാവില്ല!

ഇവിടെ മുഹമ്മദ്‌ ഒരു അഭയാര്ത്തിയാണ് 

ഇബാഹിം ഇങ്ങോട്ടെത്തിനോക്കുന്നില്ല 

ഇസ്മായില്  ബലി കാത്തു കിടക്കുക തന്നെ യാണ് 

ഇഹ് റാമിന്റെ മുണ്ടിനുപോലും ഗോത്രത്തിന്റെ മണവും 

യാങ്കിയുടെ ഹുങ്കും !

ഇന്ന് ഇവിടെ ബിലാലിന്റെ വിയര്പ്പ് കണങ്ങളില്ല 

യാസിറിന്റെയും അമ്മാറിന്റെയും 

നയന ഹര്ഷങ്ങലില്ല 

ഫറോവയുടെ കുന്ത മുനയില് 

ആസിയയുടെ മാറിടമല്ല,ഇസ്മായീലിന്റെ 

പൈതൃകമാണ് തറച്ചു നില്ക്കുന്നത് 

സംസം ഇവിടെ വിപണന ദ്രവം 

പിറക്കുന്ന കുഞ്ഞിന് 

പെപ്സിയുടെ പത 

കാരക്കക്ക് ചോക്ലൈറ്റിന്റെ രുചി

ഹലീമയുടെ സ്തനരസം ബോട്ടിലുകളാണ് 

ച്ചുരത്തുന്നത് 

ആമിനയുടെ ഹൃദയ ലാവണ്യത്തിലല്ല . 

ഉന്തു വണ്ടിയുടെ മാറാപ്പിലാണ് കുഞ്ഞിന്റെ ഇടം 

ഒഴിഞ്ഞ തലയും നിറഞ്ഞ വയറും 

സ്വന്തമാക്കിയ പിന് മുറ 

പടിഞ്ഞാറൻ ബലിക്കല്ലുകളില് 

കൊല കാത്തു കിടക്കുകയാണ് 

മുറ്റത്തെ മുല്ലക്ക് മാത്രമല്ല,

ചുറ്റു വട്ടത്തെ മുല്ലക്കുംഇവര് ക്ക് മണമില്ല  

ഇന്ദ്രിയ ഗന്ധം നഷ്ട്ടപ്പെട്ട 

വന്ന് ,സുഗന്ധവും ദുര്ഗന്ധവും 

സമമാണല്ലോ  ?? !!

        - ഉസ്മാന്പാണ്ടിക്കാട് -