കലിങ്കയിലെ
ചോരപ്പാടുകള് കണ്ട്
ബോധി വൃക്ഷത്തിലേക്ക്
ധ്യാനപ്പെട്ട
അങ്ങയും,
രക്ത ദാഹിയായോ ?
വൃണം പറ്റിയ
തെരുവ് കോലങ്ങളുടെ
കാല് കഴുകിയും,
ശുശ്രൂഷ ചെയ്തും
ഞങ്ങളോടൊപ്പം നടന്ന
ഒരുത്തനു വേണ്ടിയാണ്
ഞങ്ങള്
നാഗസാക്കിയും,
ഹിരോഷിമയും ,വിയറ്റ്നാമും
അഫ്ഗാനും,ഇറാക്കും
രക്തപങ്കിലമാക്കിയത് !
കാടയും ,മന്നയും,സ്വാദിഷ്ടമായ
അന്നവും കൊണ്ട് സീനയുടെ
താഴ്വരകള് തോറും
മോചനം അടയാളപ്പെടുത്തിയ
തോറയുടെ തേരാളിക്കായി ,
ഗാസ്സയിലെ പിഞ്ചു പൈതങ്ങളെ
ഞങ്ങള് ചതച്ചരച്ചു !
മരിച്ച മാതാവിന്റെ
മാറ് പറ്റി പാല് നുകരുന്ന
പൈതലിനെപ്പൊലും
അവിടെ ബാക്കി
വെക്കാന് ജാതി ബോധം
ഞങ്ങളെ അനുവദിക്കുന്നില്ല !
തിന്മയെ നന്മകൊണ്ട്
നേരിട്ട് ,
ഇരുട്ടിനെ തുരത്തി
വെളിച്ചം വിതറിയ
വിമോചകന് വേണ്ടി
കുറച്ച് മുല്ലപൂക്കള് സമര്പ്പിക്കാന്
മാത്രമാണ് ഞങ്ങള് ക്ക്
കഴിഞ്ഞത് !!
കിഴക്കും പടിഞ്ഞാറും,
വെളുപ്പും ചുകപ്പും ,
അവരുടെ ദൈവങ്ങളും
ഇരകളെ, ഇരയാക്കുന്ന
ചുറ്റുവട്ടങ്ങളില്
ഈ പൂക്കളില് .
കാലം ഒരു
വിമോചകനെ തേടുന്നു .
അഗ്നികുണ്ഡത്തെ
അതിജയിക്കാന് പുതിയ
അബ്രഹത്തിനെ !
അലയാഴിയെ
ഭേദിക്കാന് പുതിയ
മോശസിനെ !
തമോ പഥത്തെ തൂത്തു
മാറ്റാന് പുതിയ
ആട്ടിടയനെ!
ഉസ്മാന് പാണ്ടിക്കാട്
0564283654
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ